La Fouace Sucrée – La Fogassa Sucrada
En Roergue (Aveiron e un bocinon de Tarn e Garona), tenètz maitas recèptas de fogassas sucradas. Ne vaqui una.
En Rouergue (Aveyron et un petit bout de Tarn et Garonne), vous avez plusieurs recettes de fouace sucrée . En voilà une.
|
Occitan |
Francés estandard
Français standard |
|
| Lengadocian | Gascon | |
| Recèpta de la fogassa (sucrada) | Recèpta dera hogassa (sucrada) |
Recette de la fouace (sucrée)
|
| 1- Aquela recèpta deu permetre de far una fogassa d’un quilò.
2- Al mièg de la matinada, metre dins una conca 500 gramas (es una liura) de farina de blat, i ajustar un peçuc de sal trissa.
3- Dins la fenèstra que cal dobrir dins la farina, getar 150 gramas de sucre, e 180 gramas de burre fondut, e 4 uòus.
4- Cal diluir 20 gramas de la levadura de fornièr dins un veirat de lach tebés.
5- Encorporar tot aquò dins la pasta.
6- Perfumar segon son gost amb d’aiganafa (dos culhièrats de sopa o mai) o un pauc de citron. Se pòt ajustar de fruchas confidas dins la pasta.
7- Cal prestir la pasta entrò que venga pro lisa.
8- Puèi, cal daissar la pasta levar doçament entre 3 a 5 oras (sus un radiator, aquò ajuda). Caufar lo forn per arribar a 190 gras o entre 6 o 7.
9- Metre la pasta levada dins un mòtle de metal burrat o oliat salpicat d’un pauc de farina. Se i a pas de trauc al mièg, i metre d’en primièr un bòl desversat burrat e salpicat de farina.
10- Còire pendent 35 a 40 minutas.
11- Sortir d’al forn, desmotlar e pausar sus un plat, ajustar unas gotas d’aiganafa, passar dessús , amb un pincèl, un rosset o mojòl, e salpicar amb de sucre glaç.
12- Val mai esperar que la fogassa siá freda emai estadissa per la tastar de matin al dejunar o amb un veirat de vin roge a la fin del repais. Es plan melhora. |
1- Aquera recèpta que deu perméter de har ua hogassa d’un quilò.
2- Au miei dera matiada, hicar en ua conca 500 gramas (ei ua liura) de haria de blat, i ajustar un chic de sal trissa.
3- hens era frinèsta que cau obrir en la haria, hicar 150 gramas de sucre e 180 gramas de burre honut, e 4 uòus.
4- Cau diluir 20 gramas de levadura de hornèr en un veirat de lèit tebés.
5- Encorporar tot quò en la pasta.
6- Perhumar segon lo son gost dab aiganafa (dus culherats de sopa o mei) o un chic de citron. Se pòu ajustar hruchas con.hidas en la pasta.
7- Cau prestir la pasta dinc a que venga pro lisa.
8- Puish, cau deishar la pasta levar doçament enter 3 o 5 oras (sus arradiator, quò ajuda). Cauhar eth horn enta arribar a 190 gras o enter 6 o 7.
9- Méter la pasta levada en un mòtle de metau burrat o oliat saupicat d’un pauc de haria. Se i a pas de trauc au miei, i méter d’en primèr un bòl desversat burrat e saupicat de haria.
10- Còser pendent 35 a 40 minutas.
11- Sortir d’au horn, desmotlar e pausar suu plat, ajustar uas gotas d’aiganafa, passar dessús, dab un pincèu, un rosset o mojòu, e saupicar dab sucre glaç.
12- Vau mei esperar que la hogassa siá hreda emai estadissa enta la tastar de matin au dejunar o dab un veire de vin roi a la fin deu repaish. Ei ben melhora. |
1- Cette recette doit permettre de faire une fouace d’un kilo.
2- Au milieu de la matinée, mettre dans un saladier 500 grammes (c’est-à-dire une livre) de farine de blé, y ajouter une pincée de sel fin.
3- Dans la fenêtre qu’il faut ouvrir dans la farine, jeter 150 grammes de sucre, et 150 grammes de beurre fondu et 4 œufs.
4- Il faut diluer 20 grammes de levure de boulanger dans un verre de lait tiède.
5- Incorporer tout cela dans la pâte.
6- Parfumer selon son goût avec de l’eau de fleur d’oranger (2 cuillerées à soupe ou plus) ou un peu de citron. On peut ajouter des fruits confits dans la pâte.
7- Il faut pétrir la pâte jusqu’à ce qu’elle devienne lisse.
8- Ensuite, il faut laisser la pâte lever doucement entre 3 à 5 heures (sur un radiateur, ça aide). Chauffer le four à 190 degrés ou sur 6.
9- Mettre la pâte levée dans un moule de métal beurré ou huilé saupoudré d’un peu de farine. S’il n’y a pas de trou au milieu, y mettre d’abord un bol renversé beurré et saupoudré de farine.
10- Cuire pendant 35 à 40 minutes.
11- Sortir du four, démouler et poser sur un plat, ajouter quelques gouttes d’eau de fleur d’oranger ; passer dessus, avec un pinceau, un jaune d’œuf, et saupoudrer avec du sucre glace.
12- Il vaut mieux attendre que la fouace soit froide ou rassie pour la déguster le matin au petit déjeuner ou avec un verre de vin rouge à la fin du repas. Elle est meilleure. |
